Վաճառվում է յուրահատուկ առանձնատուն Ձորաղբյուրում՝ քաղաքի էկոլոգիապես մաքուր և հանգիստ հատվածում, բարեկարգ և ապահով թաղամասում։ Առանձնատունը զբաղեցնում է 3,300 քմ մակերես՝ բարձր պարիսպներով, բնակելի հատվածը 455 քմ է, երկհարկանի կառույց է, ունի նաև նկուղ։
Առաջին հարկում ընդարձակ հյուրասենյակն ու խոհանոցն է, դիզայներական մոտեցմամբ կառուցված սենյակային բուխարի, սանհանգույց (առանձնատանը ընդհանուր 6 սանհանգույց է) ։ Ննջասենյակները 4-ն են՝ յուրաքանչյուրն առանձին սանհանգույցով։ Ունի պրոֆեսիոնալ կահավորված կինոթատրոն, աշխատասենյակ, խաղասենյակ, շոգեբաղնիք, ջակուզի, փակ ու ընդարձակ լողավազան, մարզասրահ, լվացքատուն։ Առանձնատունը կահավորված է ժամանակակից բարձրորակ կահույքով և տեխնիկայով։
Առանձնատան տարածքում կա նաև թենիսի կորտ, մանկական խաղահրապարակ, բարեկարգ բակ՝ ընդարձակ կանաչապատ տարածքով և պտղատու ծառերի համար առանձնացված հատվածով։ Առկա է ամառային կահավորված խոհանոց, հանգստի գոտի։ Տեղադրված են տարածք մուտքի, անվտանգության և ոռոգման «սմարթ» համակարգեր, առկա է սեփական խորքային հորից մշտական խմելու և ոռոգման ջուր, կոյուղին ընդհանուր միացման է։ Առանձնատունն ունի նաև սեփական տրանֆորմատորային կայան և էլեկտրական հոսանքի անխափան սնուցման համակարգ (բարձրորակ դիզելային գեներատոր) ։ Առկա են ինչպես փակ (նախատեսված 2 ավտոմեքենայի համար), այնպես էլ բաց (մինչև 10 ավտոմեքենայի համար) կայանատեղիներ։