ինֆորմացիա
Բնակարանում նոր է ավարտվել հեղինակային վերանորոգումը, և վերանորոգումից հետո այնտեղ ոչ ոք չի ապրել։ Ամբողջ կահույքը և տեխնիկան բոլորովին նոր են և տրամադրվում են բնակարանի հետ միասին՝ ճիշտ այնպես, ինչպես երևում է լուսանկարներում։
Հյուրասենյակ և ճաշասենյակ
Ընդարձակ հյուրասենյակ՝ կլորավուն ձևի դիզայներական բազմոցով, երկու բազկաթոռով և մարմարե սուրճի սեղանով։ Ամբողջ պատը զբաղեցնում է անհատական պատվերով պատրաստված պահարան-դարակաշար՝ բնական փայտի, սև փայլուն և սպիտակ ռելիեֆային ճակատներով, LED լուսավորությամբ և մեծ էկրանով հեռուստացույցով։ Առաստաղին բյուրեղյա ջահ և ժամանակակից գծային լուսատուներ են։ Առանձին ճաշասենյակային գոտին կահավորված է մեծ ճաշասեղանով, փափուկ աթոռներով և երկու ոսկեգույն դիզայներական ջահով։
Խոհանոց
Դասական ոճի սպիտակ խոհանոց՝ ոսկեգույն բռնակներով, մարմարանման պատով և աշխատանքային մակերեսով, LED լուսավորությամբ։ Ներկառուցված տեխնիկա՝ ջեռոց, սալօջախ, օդաքարշ, լվացարան՝ ոսկեգույն ճկուն ծորակով։ Առկա են նաև SMEG ընկերության սրճեփ մեքենա, տոստեր և թեյնիկ։ Խոհանոցում կա նաև հարմարավետ նախաճաշի անկյուն՝ մարմարե կլոր սեղանով, թավշյա աթոռներով, ոսկեգույն դիզայներական ջահով և լուսավորված ապակյա ցուցապահարանով։
Ննջասենյակ 1
Փափուկ բարձր գլխատախտակով երկտեղանոց մահճակալ, ոսկեգույն բռնակներով ներկառուցված ընդարձակ զգեստապահարաններ՝ լուսավորված բաց դարակներով, պահարանի մեջ ներկառուցված հեռուստացույց։ Առկա է դիմահարդարման սեղան՝ մեծ հայելով, բյուրեղյա կախովի լուսատուներով և դիզայներական պատի լամպերով։
Ննջասենյակ 2
Երկու միատեղանոց մահճակալ, ներկառուցված զգեստապահարան, աշխատանքային անկյուն՝ սեղանով և աթոռով, պատին ամրացված հեռուստացույց, լուսավորված դարակներ։ Սենյակից ելք կա պատշգամբ։
Սանհանգույց
Ժամանակակից լոգասենյակ՝ ապակե միջնորմով ցնցուղախցիկով, «արևադարձային» ցնցուղով, լուսավորված հայելիով և կախովի լվացարանային պահարանով։ Առանձին զուգարան՝ կախովի զուգարանակոնքով, հիգիենիկ ցնցուղով և լուսավորված փայտե դարակներով։
Առավելություններ
Մանրահատակ՝ բնական կաղնի, խոհանոցում մարմարանման սալիկներ
Ամբողջ բնակարանում ժամանակակից LED և դեկորատիվ լուսավորություն
Օդորակիչներ
Դիզայներական կահույք և արվեստի գործեր
Միջանցքում ներկառուցված պահարաններ և հայելի
Տեղակայված է քաղաքի ամենապահանջված վայրում՝ Օպերայի, Կասկադի, Հյուսիսային պողոտայի և բազմաթիվ ռեստորանների ու սրճարանների անմիջական հարևանությամբ
Բնակարանը հարմար է ինչպես բնակության, այնպես էլ ներկայացուցչական գրասենյակի համար։
