Շինության կարգավիճակը. Շենքի կարգավիճակը կարող է շատ բան պատմել Ձեր` այնտեղ բնակվելու հարմարավետության մասին: Հաշվի առեք, որ հին վերելակներն ավելի հաճախ են անսարքանում: Հարկ է ուշադրություն դարձնել այս կետին հատկապես այն դեպքում, երբ անշարժ գույքը գտնվում է բարձր հարկում, իսկ Դուք ունեք օրինակ մանկասայլակ, կամ Ձեզ համար դժվար է սանդուղքով բարձրանալ:
Անհրաժեշտ տեխնիկայի առկայություն. Կարևոր է համոզվել, որ բնակարանում առկա է այն ամենն, ինչ նշված էր հայտարարության մեջ: Եթե անգամ ինչ-որ բան Ձեզ այդքան էլ դուր չի գալիս, օրինակ` արդուկն այդքան էլ նոր չէ, մի´ շտապեք հեռանալ: Հարցրեք` հնարավո՞ր է այն փոխարինել նորով: Վարձատուների մեծ մասը չի մերժում հին գույքը նորով փոխարինելու պոտենցիալ վարձակալի առաջարկը:
Ինժեներական համակարգի կարգավիճակը. Ստուգե´ք վարդակները, էլեկտրաէներգիայի և ջեռուցման համակարգերը: Ուշադրություն դարձրեք էլեկտրաէներգիայի բավարար հզորությանը, օրինակ` բավարարում է բնակարանում առկա հոսանքի հզորությունը օդորակչի պահանջված հզորությանը:
Փաստաթղթերը. Ուսումնասիրեք փաստաթղթերը, որոնք հաստատում են վարձատուի սեփականատեր հանդիսանալը: Համոզվեք, որ գործարքի կնքմանը մասնակցում են բոլոր սեփականատերերը,կամ վարձակալն ունի անհրաժեշտ լիազորագիրը:
Վճարման կարգը. Քննարկեք կոմունալ ծառայությունների և վարձակալության վճարման կարգերը: Համոզվեք, որ Ձեր պայմանավորվածությունները նշված են պայմանագրում:
